हेटौडा बजार सानो तर ट्राफिक अस्तव्यस्त छ ! हेर्दा सडक फराकिलो भएर के गर्नु अथाधिक मात्रामा बढेको जनसंख्या र सोहि अनुपातको चौगुन्ना सवारी देख्दा उकुसमुकुस भएर आउछ !
२०२८ सालमा हामि बसाइ सरेर आको हेटौडामा ! त्यो बेलाको सडक र अहिलेको सडकमा कुनै भिन्नता देख्दिन म ! सवारी थप गर्दै जाने तर त्यो सवारी गुड्न लाइ चाहिने बाटो कति हो त्यो तर्फको हेक्का किन राखिएन ? पन्चायेतको पालामा खडा गरिएको राजमार्गको दुवै तर्फ जुन युद्धस्तरमा मिचेर घर बनाउने पसल थाप्ने गरिएको छ त्यसलाई हटाउने र रोक्ने काम कारबाही किन गरिएन ? समयमै नियन्त्रण गरेको भए अहिले समस्या निम्तिन्थ्यो ?
हरेक काम र कुरालाई जुन राजनीतिक पार्टीको आँखाले हेर्ने चलन छ त्यसले एकदिन भयावह स्थिति निम्त्याउछ भन्ने कुरा योजनाकार देखि बिद्द्वान राजनीतिज्ञ हरुलाई पक्कै पनि थाहा हुनु पर्छ किनभने मकवानपुर जिल्लाले बैदेसिक देखि आन्तरिक सम्मको विद्वान उत्पादन गरेको छ भने यो 'अन्धेर नगरीको चौपट राजा' वाला किस्सा भयो कि भएन ?
नगरपालिका छ मनग्य कर उठाउन जानेको छ तर फुटपाथ हटाउन जान्दैन ! नगरबासीको करले नगर प्रहरी भन्ने पनि खडा गरेको छ तर त्यो नगर प्रहरीको काम र कर्तब्य के हो त ? न त्यो नगर पालीका लाइ थाहा छ न नगरबासी लाइ ! फुटपाथ नियन्त्रण र नगर क्षेत्र भित्र तिब्र गतिमा सवारी हाक्न पाइदैन, ध्वनी प्रदुष्ण गर्न हुन्न भनेर जन चेतना त जगाउन सक्थ्यो होलानि ? फुटपाथ लेन भनेको पनि त थाहा हुनु पर्ने होला भने त्यसो नगरेको परिणाम अकालमा पैदल यात्रुले ज्यान गुमाउनु पर्दा त्यसको क्षतिपूर्तिको भर्पाइ गर्ने को ? कल्कलाउँदो उमेरमा सन्तान गुमाउनेको अभिभावकलाई केहि नगदले दिएको राहतले त्यो पीडाको घाउ भरिन्छ ?
स्मारक र भ्यु टावर देखाएर नगरको गौरब सधै बढ्दैन ! जसरि जनताबाट आँखा चिम्लेर कर लिएको छ त्यसै गरि त्यो करको पैसाले बिकास निर्माण पनि गरेर देखाउन सक्नु पर्छ ! बिरोध गर्लान भनेर भन्नु भन्दा पनि कडाइको साथ फुटपाथ अतिक्रमण रोक्न सक्नु पर्छ ! राजमार्गमा निर्माण सामाग्री राख्ने देखि लिएर अत्तिक्रमण गरेर पसल थाप्नेहरु अनि अनियन्त्रित सवारी दर्ता माथि जब सम्म कारबाही गर्न र रोक लगाउन सक्दैन तब सम्म अकालमा पैदल यात्रुको ज्यान संधै खतरामा नै हुन्छ भने कुरा सम्बन्धित सबैले बुझुन !
ब्लग चौतारी नेपाली भाषा साहित्यमा कलम चलाउने नेपाली ब्लगरहरुको साझा ब्लग हो । यसमा ब्लगर खाता प्रयोग गरी ब्लग चलाउदै आएका नेपाली ब्लगरहरु लेखकका रुपमा सहभागी हुन सक्नेछन । ब्लग चौतारीले लेखकका आफ्ना भावनाहरु अभिव्यक्त गर्ने मात्र नभई नेपाली भाषी ब्लगरहरुबीच भावनात्मक एकता र सामिप्यता बढाउने पनि उदेश्य लिएको छ ।
साहित्यसंसार डट कम - नेपाली साहित्यको सानो संसार