मान्दारिन अर्थात चाइनिज भाषामा आंगपाउ (angpau)
को अर्थ हुन्छ दक्षिणा ! जसरि हाम्रो चाडबाडमा ठुला मान्यजनले सानालाई टिका लगायेपश्चात
सगुन र दक्षिणा दिने चलन छ त्यस्तै गरि चाइनिजहरुले पनि चाडबाड तथा शुभ/असुभ
कार्यमा दक्षिणा दिने चलन छ, फरक यत्ति हो टिका लगाई दिदैनन तर रातो खाम भित्र
दक्षिणा र सगुनको प्रसाद स्वरूप फाल्फुल मिठाइ दिन्छन !
मैले काम गर्ने कम्पनीमा मेरो मालिकको ७० काटेकी
बुढी आमै हुनुहुन्थ्यो ! उहाँलाइ सबैले अम्मा (ammaa) भनेर बोलाउथे ! मैले डिउटी
लिन थालेको भोलिपल्ट बुढी आमेले बोलाउनु भो र भन्नु भो आज बाट तँ अनि मेरै छोरा ‘आतोंग’
(छोटकरीमा मेरो बोसको बोलाउने नाउँ) जस्तै हो त्यहि भएर मलाइ अम्मा भनेर बोलाहै !
मैले खुसि हुँदै भने हस अम्मा !
साउथ इण्डियन अर्थात दक्षिण भारतीय मलेसियामा
थुप्रै छन र तिनीहरुले पनि जन्म दिने जननी लाइ अम्मानै भन्छन भने मलेहरुले इबु भन्छन
! हामीहरुको दसैँ भने जस्तै चाइनिजहरुको दसैँ प्राय जनवरी/फरवरीमा पर्दछ जसलाई
चाइनिज नयाँ बर्ष (chinese new year) भनिन्छ ! यसपाली जनवरी ३१ र फरवरी १/२ तारिख
मा परेको छ ! २ देखि ३ दिन भए पनि चाइनिजहरुले दसैँ १५ दिन सम्म मनाउछ ठ्याक्कै
हिन्दुपाराको !
टिका लगाउदैनन तर दक्षिणा र फलफुल मिठाइको खुब
आदान प्रदान हुन्छ ! मेरो कम्पनीमा कम्पनि मालिक/मालिक्नीले २/३ पटक आंगपाउ
(angpau) बाड्नुहुन्छ ! बुढी आमैले मलाइ छुटै बोलाएर खुसुक्क ५०/५० गरेर दुइ चोटि आंगपाउ
(angpau) दिनुहुन्थ्यो र दिने बेलामा दाया बायाँ हेर्दै कसैलाई पनि नभन है भन्नु
हुन्थ्यो ! मैले ‘या अम्मा’ भन्थे ! यदि म डिउटी चेकको बेलामा दायाँ बायाँ गएको
रैछु र मलाइ देखिनन भने अम्माले नाति/नातिनाको हातमा आंगपाउ (angpau)
पठाउनुहुन्थ्यो !
दुखको कुरा पोहोर अम्मा बित्नु भो ! अम्माको
चाइना र मलेसियामा गरेर ८ भाइ छोरा ६ बैनी छोरी अनि बुहारी ज्वाई नाति,नातिना र पनाति
पनाति गरेर २४४ जनाको सन्तान ! हामीले १ बर्ष जुठो बार्छौ तर चाइनिजले ३ बर्ष एकोहोरो
जुठा बार्दा रैछन ! जुठो भए पनि देउता पुजा आजा चैँ चल्दो रैछ ! पोहोर पनि अम्माबिनाको
चाड यसपाली पनि अम्मा बिनाको चाड मान्दैछन ! अब सधै भरि बाचुन्जेल मेरो मालिकको
सन्तानले अम्मा इनाको चाड मनाउछन ! के चाड मानेको भनु परार जस्तो कम्पनि सिंगार
पटार छैन ! पोहोर पनि र यो पाली पनि मेरो कम्पनि उजाड उजाड देखिएको छ !
बिशेष गरि मलाइ चाइनिज न्यु इएरमा ति बुढी
अम्माको खुव झल्को आउछ ! परदेसमा पनि मलाइ आमाको जस्तै माया दिने ति बुढी अम्मालाइ
मैले हरेक चाइनिज न्यु इयेरमा बिशेष सम्झिने गरेको छु ! सधै तिम्रो आत्माको चिर शान्तिको
कामना गर्छु अम्मा !
२०७० पौष २८ गते आइतबार !
ब्लग चौतारी नेपाली भाषा साहित्यमा कलम चलाउने नेपाली ब्लगरहरुको साझा ब्लग हो । यसमा ब्लगर खाता प्रयोग गरी ब्लग चलाउदै आएका नेपाली ब्लगरहरु लेखकका रुपमा सहभागी हुन सक्नेछन । ब्लग चौतारीले लेखकका आफ्ना भावनाहरु अभिव्यक्त गर्ने मात्र नभई नेपाली भाषी ब्लगरहरुबीच भावनात्मक एकता र सामिप्यता बढाउने पनि उदेश्य लिएको छ ।
साहित्यसंसार डट कम - नेपाली साहित्यको सानो संसार