विवशको गजलः कति हिड्छौ मेरो मात्रै काटी कुरा समाजमा

एउटै भावका शेरहरूले बनेको यो सन्देशमुलक गजल लेखेर पेशेको छु। यो गजल यहाँहरूलाई कस्तो लाग्यो? सुझाव पाउँ !













कति हिड्छौ मेरो मात्रै काटी कुरा समाजमा
पक्कै थाहा पाउँछन् सबले, खाटी कुरा समाजमा ।

विश्वास नै नगर्लान् है भोलिदेखि तिमीलाई
बोल्ने गर्नु असल खराव छाँटी करा समाजमा ।

एक कान दुई कान मैदान हुन्छ, नभनेका कुरा पनि
कतिञ्जेल लुक्छ खुरा पाटी कुरा समाजमा ।

भित्ताको नि कान हुन्छ भन्ने कुरा थाहा छैन?
किन गर्दै हिड्छौ नाना भाँती कुरा समाजमा ।

हाँसले जस्तै दुध पानी, छुट्याएर पिउन सिक्नु
सत्य बोल्नु झुठ राख्नु थाती कुरा समाजमा ।

पुर्पुरोमा हात राखी भन्नु पैर्ला बचा “हरि”
नहिड्नु है अबदेखि ढाँटी कुरा समाजमा ।

हरि मानन्धर "विवश"
क्याक्मी ९, स्याङ्ग्जा
हालः इजरायल