धरान हालः बेल्जियम
साँगुरी डाँडा
तल चिउरीबास
ठिङ्ग धरान ।
भेंडेटारमा
हुस्सुको लुकामारी
धरान हाँस्यो ।
प्रेम प्रतिक
बुढासुब्बाको बाँस
मृत्युमा पनि ।
कोशीको पानी
दैवको उपहार
ताण्डव नृत्य ।
कालो बंगुर
धराने मिठो तोङ्वा
भानुचोकमा ।
पानीको पर्व
पिण्डेश्वरको मेला
प्यासी धरान ।
धराने जोडी
भेंडेटारको हुस्सु
पर्दा लाउँछ ।
ब्लग चौतारी नेपाली भाषा साहित्यमा कलम चलाउने नेपाली ब्लगरहरुको साझा ब्लग हो । यसमा ब्लगर खाता प्रयोग गरी ब्लग चलाउदै आएका नेपाली ब्लगरहरु लेखकका रुपमा सहभागी हुन सक्नेछन । ब्लग चौतारीले लेखकका आफ्ना भावनाहरु अभिव्यक्त गर्ने मात्र नभई नेपाली भाषी ब्लगरहरुबीच भावनात्मक एकता र सामिप्यता बढाउने पनि उदेश्य लिएको छ ।
साहित्यसंसार डट कम - नेपाली साहित्यको सानो संसार